भोजपुर । भोजपुरको आमचोक गाउँपालिका–९ रुक्सेमा पैसा लुटपाट गरेको आरोपमा ७ जना पक्राउ परेका छन् । खाद्यान्न बोकेको ट्याक्टरलाई रोकेर चालकसँग रहेको नगद लुटपाट गरेको भन्दै प्रहरीले स्थानीय युवाहरुलाई पक्राउ गरेको हो ।
Advertisement
पक्राउ पर्नेमा आमचोक गाउँपालिका–८ का ३२ बर्षीय लोकबहादुर खत्री, १७ बर्षीय प्रमोद खत्री, १९ बर्षीय पदम श्रेष्ठ, १७ बर्षीय मनिष श्रेष्ठ, १६ बर्षीय निशान तामाङ, ३० बर्षीय ठकुन तामाङ र १८ बर्षीय देवराज तामाङ छन् ।
भोजपुरको रानीटारबाट खाद्यान्न बोकेर बालंखातर्फ जाँदै गरेको ना.७ त.३५० नम्बरको ट्याक्टरलाई रोकेर उनीहरुले ट्याक्टर चालकको साथमा रहेको २१ हजार ५ सय नगद लुटपाट गरेको जिल्ला प्रहरी कार्यालय भोजपुरले जनाएको छ ।
