धनकुटा । उद्योग बाणिज्य संघ धनकुटाले कोठामा बस्नेसँग भाडा नलिन घरधनीहरुलाई आग्रह गरेको छ । संघका अध्यक्ष बिजय सन्तोषी राई र बरिष्ठ उपाध्यक्ष तारा तितुङले बिहीबार प्रेस बिज्ञप्ति जारी गरेर घर भाडा लगाउँदै आएका जिल्लाका घरधनीहरुलाई यस्तो आग्रह गरेका हुन् ।
कोरोना भाइरसको संक्रमण रोकथामका लागि देशभरनै लकडाउन गरिएको अवस्थामा आम्दानीको माध्यम ठप्प रहेकाले संकटका बेलामा भाडा नलिएर सहयोग गर्न संघले अपिल गरेको हो । त्यस्तै ऋणीहरुसँग व्याज नलिन पनि बैंक तथा बित्तिय सस्थालाई संघले अनुरोध गरेको छ ।
Advertisement
कोरोना संक्रमणबाट उत्पन्न परिस्थितीका कारण उद्योग धन्दा, व्यापार व्यावसाय ठप्प रहेकाले यस्तो बिपतका वेलामा एकले अर्कालाई सहयोग गर्न बिज्ञप्तिमार्फत आग्रह गरिएको छ ।
