धनकुटा । बिप्लव नेतृत्वको नेपाल कम्युनिष्ट पार्टीका व्यूरो सदस्य संघर्ष भनिने अमर परियारले पार्टी परित्यागको घोषणा गरेका छन् । परियारले बिहिबार प्रेस बिज्ञप्ती जारी गर्दै साधारण सदस्यसमेत नरहने गरी पार्टी परित्याग गरेको घोषणा गरेका हुन् ।
Advertisement
‘२०७५ पौष महिनादेखिनै पार्टीको गतिबिधि र पार्टीको सम्पर्कमा नभएतापनि आजको मितिदेखि पार्टीको साधारण सदस्यसमेत नरहने गरी पार्टी परित्यागको घोषणा गर्दछु ।’ बिज्ञप्तीमा भनिएको छ ।
धनकुटाको पाख्रीवास नगरपालिका–१ सान्ने घर भएका परियार २०६१ सालदेखि राजनीतिमा सक्रिय थिए । उनी नेकपा माओवादी केन्द्र, मोहन बैद्य नेतृत्वको नेकपा क्रान्तिकारी माओवादी हुँदै बिप्लव नेतृत्वको नेकपामा पुगेका हुन् ।
यसअघि बिप्लव नेतृत्वको नेकपामा सक्रिय रहेका उनी दोस्रो संबिधान सभा निर्वाचनमा बम बिस्फोट गराएको अभियोगमा पाँचथरको फाल्गुनन्दबाट पक्राउ परेर छुटेका थिए ।
