मोरङ । मोरङको सुन्दरहरैंचा नगरपालिका–७ स्थित पूर्व पश्चिम राजमार्गमा गएराती ट्रक र एम्बुलेन्स ठक्कर खाँदा एम्बुलेन्स चालकको मृत्यु भएको छ । दुर्घटनामा परी ६ जना घाईते भएका छन् ।
Advertisement
राती करिव १ बजे पूर्वबाट पश्चिम तर्फ जाँदै गरेको मे.१ च.२००३ नम्बरको एम्बुलेन्स र बिपरीत दिशाबाट आउँदै गरेको ना.५ ख.१९२५ नम्बरको ट्रक आपसमा ठोक्किएका हुन् ।
दुर्घटनामा परी एम्बुलेन्स चालक ईलाम नगरपालिका–२ का २१ बर्षीय रमेश निरौलाको घटनास्थलमै मृत्यु भएको प्रहरीले जनाएको छ ।
ठक्करबाट एम्बुलेन्समा सवार ५ जना र ट्रकका सहचालक घाईते भएका छन् । उनीहरुको धरान स्थित वीपी कोईराला स्वास्थ्य बिज्ञान प्रतिष्ठानमा उपचार भईरहेको छ ।
