सहिदभूमि । धनकुटाको सहिदभूमि गाउँपालिकामा भीरबाट लडेर एक जनाको मृत्यु भएको छ । मृत्यु हुँनेमा सहिदभूमी–३ डाँडागाउँका ३८ बर्षीय अर्जुन राई छन् ।
Advertisement
सोमबार साँझ करिव साढे ५ बजे घरबाट स्थानीय टारबारी स्थित ससुराली घर जाँन भनेर हिडेका राई ससुराली नपुगेपछि खोजी गर्ने क्रममा आज बिहान कोङलाङ भीरमा उनको शव भेटिएको हो ।
भीरबाट करिव एक सय मिटर तल खसेको अवस्थामा शव भेटिएको प्रहरीले जनाएको छ ।
घटनाको जानकारीपछि ईलाका प्रहरी कार्यालय छिन्ताङबाट प्रहरी टोली घटनास्थल गएको थियो । घटनाको बिषयमा अनुसन्धान भईरहेको प्रहरीले जनाएको छ ।
