काठमाडौं । उपत्यकामा सञ्चालन हुने सार्वजनिक यातायातमा स्मार्ट कार्डमार्फत् भाडा तिर्ने व्यवस्था गरिने भएको छ। काठमाडौँ महानगरपालिकाले ऐन बनाएरै सार्वजनिक सवारीमा टिकट प्रणाली अनिवार्य गरेको छ ।

२४ चैतमा महानगरले पारित गरेको सवारी तथा यातायात व्यवस्था ऐनमा महानगर क्षेत्रभित्र सञ्चालन हुने सबै सार्वजनिक सवारीमा कागजी र विद्युतीय यात्रु टिकट अनिवार्य प्रयोग गर्नु पर्ने व्यवस्था छ। तर, ऐनले विद्युतीय टिकट लागू गर्न जोड दिएको छ।

अहिले साझा यातायातले सुरु गरेको स्मार्ट कार्ड चाँडै सबै सार्वजनिक यातायातमा लागू गर्ने महानगरको योजना छ। स्मार्ट यात्रु कार्ड डेभिट कार्ड जस्तै हुन्छ। दुई सय रुपैयाँ तिरेर किन्न सकिने कार्डबाट दुई सय रुपैयाँ बराबरकै भाडा तिर्न मिल्छ। कन्डक्टरसँग कार्ड रिड गर्ने मेसिन हुन्छ।

यात्रु बस चडेपछि कन्डक्टरले कार्ड माग्छन् र ओर्लने स्थान सोध्छन्। यात्रुले ओर्लने स्थान बताएपछि कन्डक्टरले कार्ड मेसिनमा घोट्छन् र भुक्तानी लिन्छन्। त्यो पैसा सिधै साझा यातायातको बैंक खातामा जम्मा हुन्छ। साझा यातायातका कन्डक्टरले नै कार्ड बेच्दै आएका छन्। यो समाचार आजको नयाँ पत्रिका दैनिकमा छ ।

सत्य, तथ्य र निष्पक्ष खबरका लागि संगालोखबरको फेसवुक पेज लाइक गर्नुस् ।
युटुब च्यानल सब्स्क्राइब गर्नुस् ।
Advertisement

तपाईको प्रतिक्रिया

error: Content is protected !!