काठमाडौं । भारतीय रियालटी शोमा नेपालीले तहल्का मच्चाउने क्रम बढ्दो छ । यस्तैमा इटहरीका ७ कक्षामा अध्यायनरत बालक प्रितम आर्चायले पनि तहल्का मच्चाएका छन् ।
Advertisement
प्रितमले भारतीय टेलिभिजन ‘जी टिभी’को चर्चित बालगायन रियालिटी शो आफ्नो दमदार प्रस्तुति दिएका हुन् । ‘सारेगामापा लिटिल च्याम्प’ प्रितमले दिएको प्रस्तुतिको यतिबेला चारैतिर चर्चा हुन थालेको छ ।
कार्यक्रमको शनिबार एपिसोडमा प्रितम आर्चायले ‘हम किसीसे कम नही’ फिल्ममा किशोर कुमारको आवाज रहेको गीत ‘बचना ए हसिनो’ गाएका थिए ।
उनले शोको मेघा अडिसन राउण्डमा ‘सन्देशे आते है’ झै उत्कृष्ट प्रस्तुति दिएका थिए । जसमा उनले १०० मा १०० अंक समेत प्राप्त गर्न सफल भए ।
कार्यक्रममा उनले जज, जुरी मेम्बर र टोटल धमाल फिल्मका युनिटबाट स्ट्याण्डिङ ओभिएसन समेत पाएका थिए ।
