काठमाडौँ, २७ कात्तिक । पछिल्लो समयमा नयाँ पुस्ताका युवा युवतीहरु मोडलिङको क्षेत्रमा धेरै आकर्षीत हुँदै आएको पाइन्छ। यो क्षेत्रमा धेरै सफल पनि भइरहेका छन भने कोही क्षणिक अबधि मै हराईरहेका पनी छन। तर मोडलिङ क्षेत्रमा भविष्य बनाउने सोचमा साथ काभ्रे बनेपाकी आयुष्मा ढकाल भविष्यमा एक कुशल चर्चित मोडल तथा नायिका बन्ने सोचका साथ यस क्षेत्रमा प्रवेश गरेकी छिन।
Advertisement
मोडलिङ क्षेत्र आफैमा एउटा राम्रो र सम्भावना बोकेको क्षेत्र पनि हो, जहाँबाट एउटा कलाकारले राम्रो अवसर पाउने माध्यम हो, अभिनय र नृत्य बिधामा राम्रा सम्भावना बोकेका कलाकारहरुले यसैको माध्यमबाट विभिन्न अवसरहरु पनि पाइरहेको हुन्छन भने देश विदेशको यात्रा गर्दै संसारमा चर्चित हुने अवसर पनि जुटाइरहेका हुन्छन।
सानै उमेरदेखि अभिनयमा रुचि राख्ने नवमोडल ढकाल ६ महिनाअघि मात्र मोडलिङ क्षेत्रमा प्रबेश गरेकी हुन। उनले छोटो समयमै दुई वटा म्युजिक भिडियो, एउटा टेलीश्रृखला र एउटा मधुमालती नामक नेपाली कथानक चलचित्रमा अभिनय गरिसकेकी छन। कक्षा १२ अध्ययन गर्दै गरेकी नवमोडल ढकाल भन्छिन– म्युजिक भिडियो र चलचित्रमा अफर त धेरै नै आउँछन तर अब १२ को अध्ययन सकेर मात्र यस क्षेत्रमा लागिपर्नेछु।
स्कुल र क्याम्पसमा शिक्षक र साथीहरुको प्ररेणाबाट नै मोडलिङमा लागेकी उनलाई घरपरिवार बाट पनि निकै नै सहयोग रहेको बताउँछिन। नेपाली चलचित्रमा अभिनय गर्न रुची राख्ने ढकालले चलचित्रमा अफर आएमा स्क्रीप हेरेर सोचेर निर्णय लिने तयारीमा रहेको बताइन। वास्तवमा कलाकारीतामा एउटा रहर मात्र नभएर जहाँ गर्न सके नाम र दाम दुवै कमाउन सकिने भएकाले यसमा लागिपरेको उनले बताइन।
हेर्दा पनि निकै आकर्षण नवमोडल ढकाल हासिरहने शालीन स्वभावकी छिन। नवमोडल ढकाल भन्छिन, अब चलचित्र र मोडलिङमै करिअर बनाएर स्थापित हुन्छु र यही क्षेत्रमा आफ्नो क्षमता प्रदर्शन गरेर आफ्नो छुट्टै पहिचान बनाउँछु। मोडलिङलाई भविष्य बनाउने दृढ संकल्प लिएर अघि बढेकी उनी अहिलेसम्म मायामा नफसेको बताउँछिन।
अहिलेसम्म सेक्सको अनुभव नलिएको बताउँदै उनी भन्छिन – श्रीमान् र श्रीमतीबीचको माया नै सेक्स हो । आफु मोडलिङ क्षेत्रमा नयाँ भएकाले साथ सहयोग र सुझाब दिन सबैलाई उनले अनुरोध गरेकी छिन।
