बालिका बलात्कारको आरोपमा पक्राउ

मोरङ, ७ असोज । सुनसरीको धरान उप-महानगरपालिका ११ स्थित सगरमाथा टोलमा बालिका बलात्कारको आरोपमा एक व्यक्तिलाई प्रहरीले पक्राउ गरेको छ ।

भोजपुर जिल्लाको घोडेटार ७ रानीवास घर भई हाल धरान ११ बस्ने ३० वर्षिय दुर्गा बहादुर बि.क.लाई ईलाका प्रहरी कार्यालय धरानले पक्राउ गरेको हो ।

बि.क.ले सोही स्थान बस्ने १२ बर्षीया बालिकालाई ललाई फकाई बलात्कार गरेको पीडित बालिकाका बाबुले दिएको जाहेरीको आधारमा पक्राउ गरीएको प्रहरीले जनाएको छ ।

पक्राउ गरिएका वि.क.लाई ईलाका प्रहरी कार्यालय धरानमा राखिएको छ । घटनाबारे अनुसन्धान जारी रहेको प्रदेश प्रहरी कार्यालय विराटनगरले जनाएको छ ।