धनकुटा, १ असोज । एघारौं वार्षिकोत्सवको अवसर पारेर सनराइज बैंक धनकुटा शाखाले सोमबार धनकुटा बजार क्षेत्रमा पुष्पबृक्षरोपण गरेको छ ।
Advertisement
धनकुटा नगरपालिकाको समन्वयमा भएको कार्यक्रममा धनकुटा नगरका प्रमुख प्रशासकीय अधिकृत टिकादत्त राई र सनराइज बैंकका शाखा प्रबन्धक दिनेश शर्मा अधिकारीले संयुक्त रुपमा बृक्षरोपण गरी कार्यक्रम उद्घाटन गरेका थिए ।
कार्यक्रममा प्रमुख प्रशासकीय अधिकृत राईले बृक्षरोपणका कारण बजार क्षेत्रलाई वातावरणमैत्री बनाउँन सहयोग पुग्ने बताए । धनकुटा नगरपालिका वडा नं. ७ का वडाध्यक्ष जंगबहादुर राई, धनकुटा बहुमुखी क्याम्पसका प्रमुख निरन्जन वस्ती, गोकुण्डेश्वर माध्यमिक बिद्यालयका प्राचार्य यज्ञप्रकाश चापागाईसहित नगरपालिकाका प्रतिनिधि, बैंकका कर्मचारी, बिभिन्न सामाजिक संघसस्थाका प्रतिनिधि लगायत बृक्षरोपणमा सहभागि थिए ।
उनीहरुले चुवाकोबोट चौक, वीचबजार आसपास लगायत क्षेत्रमा फुल फुल्ने सीता अशोक लगायत प्रजातिका बृक्ष रोपेका हुन् । संस्थागत सामाजिक उत्तरदायित्व अन्तर्गत बृक्षरोपण गरिएको बैंकका शाखा प्रबन्धक अधिकारीले संगालोखबरलाई जानकारी दिए ।
