विराटनगर, ५ भदौ । थारु समुदायका युवा युवतीहरुमा भएको प्रतिभालाई उजागर गर्नका लागि एक नम्बर प्रदेश स्तरीय ‘नोबेल मिस्टर एण्ड मिस थारु आईकन’ हुँने भएको छ ।
Advertisement
आयोजक थारु कला केन्द्रले पत्रकार सम्मेलन गरेर मंगलवारदेखि शनिवारसम्म प्रतियोगिता गर्ने जानकारी दिएको हो ।
बिराटनगरको नोबेल मेडिकल कलेज टिचिङ्ग हस्पिटल प्रतियोगिताको मुख्य प्रायोजक रहेको छ । आईकनको पहिलो अडिसन मंगलवार सुनसरीको झुम्कामा हुँदैछ ।
त्यस्तैगरी भदौ ६ गते उदयपुर, ७ गते मोरङको नेता चौक, ८ गते झापाको विर्तामोड र ९ गते बिराटनगरमा अडिसन हुँने थारु कला केन्द्रका अध्यक्ष देवकृष्ण विश्वासले जानकारी दिए ।
अडिसनबाट उत्कृष्ट छनौट भएका एक/एक जना मिस्टर एण्ड मिस थारु आईकन घोषणा हुँनेछन् । बिजेताले २ लाख पुरस्कार पाउँने आयोजकले जनाएको छ । त्यस्तै एक/एक जना युवायुवतीले फस्ट रनरअप र सेकेन्ड रनरअपको उपाधि पाउनेछन् ।
