काठमाडौँ, १७ जेठ । वैदेशिक रोजगार विभागको ईपीएस कोरिया शाखाले सार्वजनिक गरेको कोरियन भाषा परीक्षाको नतिजामा ८९ प्रतिशत परीक्षार्थी फेल भएका छन् ।
Advertisement
ईपीएस कोरिया शाखाले सार्वजनिक गरेको नतिजा अनुसार भाषा परीक्षामा ७ हजार ९ सय ९६ जना परीक्षार्थी मात्र पास भएका छन् । यो संख्या गत वर्षको भन्दा ४ हजार २ सय कम हो । गत वर्ष १२ हजार १ सय ८ जना पास भएका थिए ।
यसपटक कृषितर्फ २ हजार ९ सय ६८ र उत्पादन क्षेत्रतर्फ ५ हजार २८ जना उत्तीर्ण भएको ईपीएस कोरिया शाखाका निर्देशक कृष्ण प्रसाद खनालले जानकारी दिए ।उनले भाषा परीक्षा पास भएकाहरुको कोरिया जाने प्रक्रिया असोजदेखि सुरु हुने बताए ।
पास हुनेको संख्या १० दशमलव छ आठ प्रतिशत मात्र रहेकाे छ ।
ईपीएस कोरिया शाखाले गत जेठ २६ र २७ गते सञ्चालन गरेको परीक्षामा ७४ हजार ८ सय ६६ जना सहभागी भएका थिए । कोरियाले सन् २०१९ मा ७ हजार १ सय नेपाली कामदार लाने बताएको छ । काराेबार दैनिकमा समाचार छ
