काठमाडौं, ८ जेठ । मलेसियाले रोजगार भिसा प्रक्रियाका लागि पहिलो चरण मानिएको इमिग्रेसिन सेक्युरिटी क्लियरेन्स (आईएससी) को काम अर्को सूचना जारी नभएसम्मका लागि सोमबारदेखि बन्द गरेको छ ।
Advertisement
कान्तिपुर दैनिकका अनुसार कामदारलाई आर्थिक भार पर्नेगरी मलेसियाले एकतर्फी रुपमा लागू गरेका ५ वटा संयन्त्रहरुलाई सरकारले हटाइदिएपछि मलेसियाले आईएससी काम रोकेको हो ।
आईएससीको काम गर्न मलेसियाले जीएसजी सर्भिस नेपाल प्रालिलाई ठेक्का दिएको थियो ।
मलेसिया जाने कामदारको विगतका आपराधिक क्रियाकलाप पत्ता लगाउन भन्दै आईएससी गरेबापत कामदारसँग ३ हजार २ सय रुपैयाँ उठाउँदै आएको थियो ।
नेपाली नागरिकको फिगरिङ गर्न गृहबाट समेत अनुमति नलिई जीएसजीले मलेसियाको नीति भन्दै जबर्जस्ती गर्दै आएको समाचारमा उल्लेख छ ।
काठमाडौंस्थित मलेसियन दूतावासले नेपाल सरकारको अनुसन्धानलाई सहयोग पुर्याउन आईएससीको काम बन्द गराएको जनाएको छ ।
