धनकुटा, ४ जेठ । धनकुटाको साँगुरीगढी गाउँपालिका–६ बाट प्रहरीले एक थान भरुवा बन्दुकसहित दुई जनालाई पक्राउ गरेको छ ।
जंगलमा चोरी शिकार गर्दै हिडेका स्थानीय ३४ बर्षीय फौदासिङ मगर र ३५ बर्षीय लाल बहादुर राईलाई पक्राउ गरिएको प्रहरीले जनाएको छ । इलाका प्रहरी कार्यालय भेडेटारको टोलीले उनीहरुलाई बिहिबार राति नियन्त्रणमा लिएको हो ।
उनीहरुको साथबाट लोड भएको भरुवा बन्दुक पनि बरामद भएको छ ।
अनुसन्धानका लागि दुबै जनालाई इलाका प्रहरी कार्यालय भेडेटारमा राखिएको प्रहरीले जनाएको छ ।