बिराटनगर, ३ जेठ । विश्व उच्च रक्तचाप दिवसको अवसर पारेर आज नोबेल मेडिकल कलेज टिचिङ्ग हस्पिटलले निःशुल्क रक्तचाप परिक्षण र प्रभातफेरी गरेको छ । दिवसको अवसरमा विराटनगरमा प्रभातफेरी निकालिएको हो ।
Advertisement
ठुलो मिल चौकबाट सुरु भएको प्रभातफेरी तिनपैनी हुँदै पुनः सोहि स्थानमा आएर समापन भएको थियो ।
प्रभातफेरीमा ब्यानर र प्लेकार्डसहित स्वास्थ्यकर्मी, कर्मचारी र बिद्यार्थी सहभागि थिए । कार्यक्रममा नोबेल अस्पतालका निर्देशक डा.राजेश नेपालले उच्च रक्तचापका लक्षण, कारक तत्व र नियन्त्रणका उपायका वारेमा जानकारी गराए ।
यता नोबेल शिक्षण अस्पताल हाताभित्र निःशुल्क रक्तचाप परिक्षण कार्यक्रम पनि गरिएको छ । कार्यक्रममा २ सय ४० जनाको निःशुल्क रक्तचाप परिक्षण गरिएको नोबेल अस्पतालले जनाएको छ ।
