धनकुटा, २ जेठ। धनकुटामा प्रहरीको गाडीमाथि ढुंगा प्रहार गरेको अभियोगमा विप्लव नेतृत्वको नेपाल कम्युनिष्ट पार्टीका जिल्ला सदस्य पक्राउ परेका छन् ।
Advertisement
नेकपाका जिल्ला सदस्य विज्ञान भनिने मोहन ओझालाई धनकुटा बजारबाट बुधबार पक्राउ गरिएको प्रहरीले जनाएको छ ।
गत बैशाख ३० गते नेपाल बन्दका क्रममा रुद्रवारीमा प्रहरीको गाडीमाथि ढुंगा प्रहार भएको थियो ।
सोहि घटनामा संलग्न भएको अभियोगमा उनलाई पक्राउ गरिएको धनकुटाका प्रहरी प्रमुख प्रहरी उपरीक्षक सुरेन्द्र गुरुङले जानकारी दिए ।
ओझालाई पक्राउ गरी अनुसन्धान थालिएको प्रहरीले जनाएको छ ।
