धनकुटा, ६ बैशाख । भेडेटार नजिकै एक पुरुषको वेवारिशे शव फेला परेको छ । धरान–४ स्थित थाउजेण्ड विग बुद्धको नजिक नयाँ बाटो खनेर माटो झरेको स्थानमा शव फेला परेको प्रहरीले जनाएको छ ।
शवको पछाडिपट्टी ढाड जलेको छ । मंगोलियन अनुहारका करिव ३५–४० वर्षीय पुरुषको शव फेला परेको भेडेटार प्रहरीले जनाएको छ ।
बुधबार बेलुका फेला परेको शवको अझै पनि पहिचान हुन सकेको छैन । कुकुरसमेत प्रयोग गरेर धरान प्रहरीले घटनाको बिषयमा अनुसन्धान गरिरहेको छ ।