धनकुटा, ५ बैशाख । आधारभूत तहमा अध्ययनरत बालबालिकाको नेपाली पठनसिप विकास गर्ने उद्वेश्यले जिल्लाका सामुदायिक बिद्यालयलाई पुस्तक बितरण सुरु गरिएको छ ।
जिल्लाका दुई सय ९६ सामुदायिक विद्यालयमा कक्षा १ देखि ३ सम्मका विद्यार्थीलाई यूएसआईडीले पुस्तक वितरण सुरु गरेको हो ।
Advertisement
आरटिआई संस्था मार्फत अमेरीकी जनताको सहयोगमा उपलब्ध गराईएका पुस्तक बितरण भईरहेको पुस्तक वितरक सस्था सामा प्रेसका धनकुटा संयोजक खगेन्द्रप्रसाद घिमिरेले जानकारी दिए ।
उनका अनुसार जिल्ला शिक्षा कार्यालयसँगको सहकार्यमा भईरहेको पुस्तक बितरण कार्यक्रम दुई महिना भित्रमा सकिनेछ ।
हरेक बिद्यालयका १ देखि ३ कक्षाका विद्यार्थी संख्याको आधारमा एक सय ५१ शिर्षकमा ५ सय थानबढि पुस्तक बितरण गरिने आरटिआईका जिल्ला संयोजक योगेन्द्र चापागाईंले जानकारी दिए ।
चित्रसहितका पाठ्यसामाग्री एवं अभ्यास पुस्तिका रहेकाले बालबालिकामा अभिरुची जगाएर अध्ययन/अध्यापन सहज हुने अपेक्षा लिईएको जिल्ला शिक्षा अधिकारी रामबहादुर थापाले बताएका छन् ।
