धनकुटा, ४ बैशाख । हावाहुरी र वर्षासँगै मंगलबार अपरान्ह परेको चट्याङ लागेर धनकुटामा एक जनाको मृत्यु भएको छ ।
चट्याङ लागेर पाख्रीवास नगरपालिका–२ की ३४ वर्षीया कोपिला आले मगरको मृत्यु भएको जिल्ला प्रहरी कार्यालय धनकुटाले जनाएको छ ।
घरमै बसिरहेका बेला चट्याङ लागेर गंभीर घाइते भएकी मगरलाई उपचारका लागि जिल्ला अस्पताल ल्याउँदै गर्दा साँझ करिव ६ बजे मृत्यु भएको जिल्ला प्रहरी प्रमुख एवं प्रहरी उपरीक्षक सुदिप राजभण्डारीले संगालोखबरलाई जानकारी दिएका छन् ।