काठमाडौं, २० फागुन। भूकम्पपीडितका लागि घर पुनर्निर्माण गर्न सरकारले दिएको अनुदान रकम अर्कै खातामा राखी बैंकहरुले ब्याज कमाउने गरेको भेटिएको छ ।
कान्तिपुर दैनिकका अनुसार सीधै लाभग्राहीको खातामा राखेर वितरण गर्नुपर्नेमा केही बैंकहरुले ‘सन्ड्री खता’ मा राखेर अन्यत्र लगानी गरी ब्याज कमाउने र न्यूनतम तरलता व्यवस्थापनका लागि उक्त रकम प्रयोग गर्ने गरेको भेटिएको हो ।
भूकम्पपीडितको गुनासोका आधारमा स्थलगत अनुगमन गर्दा करिब एक दर्जन यस्तो समस्या भेटिएको राष्ट्रिय पुननिर्माण प्राधिकरणले जनाएको छ ।