मोरङको बेलबारीमा आगलागी हुँदा ३० लाखको क्षति

बेलबारी, ९ फागुन । मोरङको बेलबारी ३ मा रहेको सञ्जय सुवेदीको पुरानो घर (गुवाली) मा खोले पकाउने क्रममा आगलागी हुँदा बुधबार बिहान लाखौको क्षति भएको छ ।

बिहान करिब ५ बजे भएको आगलागीमा ३० लाख बढीको क्षति भएको छ । गाईलाई खोले पकाउने क्रममा आगलागी भएको इलाका प्रहरी कार्यलय बेलबारीका प्रहरी निरिक्षक रामजी कटुवालले जानकारी दिएका छन ।

आगलागीपछि सुन्दरहरैचा, इटहरी र बिराटनगरबाट आएका दमकल र स्थानीय बासी सहित प्रहरीको सहयोगमा करिब २ घण्टामा आगो नियन्त्रणमा लिईएको थियो । खोले पकाउने क्रममा भुस र दाउराबाट सल्किएर आगलागी भएको र आगलागीबाट चौपायालाई सामान्य क्षति भएको साथै गुवालीमा रहेका काठपात सहित अन्य सामाग्रीहरु जलेर नष्ट भएका छन ।