धनकुटा, २९ माघ । महाशिवरात्री तथा सेना दिवसको अवसर पारेर सोमबार धनकुटामा रक्तदान कार्यक्रम गरिएको छ । बरख गण सल्लेरी ब्यारेक धनकुटाले रक्तदान कार्यक्रम गरेको हो ।
जिल्ला अस्पताल परिसरमा भएको रक्तदान कार्यक्रममा ५३ जनाले रगतदान गरेको बरख गणका मेजर रामवहादुर कार्कीले संगालोखबरलाई जानकारी दिए ।
Advertisement
उनका अनुसार बरख गणमा कार्यरत ३० जना नेपाली सेनाले रक्तदान गरेका छन् ।
यस्तै ६ जना नेपाल प्रहरी, १ जना शसस्त्र प्रहरी, राईजिङ्ग युथ क्लबका १३ जना र ३ जना सर्वसाधरणले रक्तदान गरेका छन् ।
