धनकुटा, ९ माघ । सरकारले १ नम्बर प्रदेशको अस्थायी मुकाम बिराटनगर तोकेको बिरोधमा आज धनकुटामा एक घण्टा चक्काजाम गरिएको छ ।
प्रादेशिक राजधानी माग गर्दै ४० दिनयता निरन्तर आन्दोलन गर्दै आएका जिल्लाबासीले दिउँसो १२ देखि १ बजेसम्म चक्काजाम गरेका हुन् ।
कोशी राजमार्गको धरान–धनकुटा सडकखण्ड स्थित जिरोपईन्टमा सडक अवरुद्ध गरिएको थियो ।
![](https://sangalokhabar.com/wp-content/uploads/2018/01/Chakkajam-dhankuta.jpg)
चक्काजामका कारण पूर्वी पहाडी जिल्लाबाट तराई झर्ने र तराईबाट पूर्वी पहाडी जिल्ला हिडेका दर्जनौ सवारी साधन रोकिएका थिए ।
प्रादेशिक राजधानीका लागि आन्दोलित जिल्लाबासीले यसअघि हिजोसम्म ६ दिन आमहड्ताल गरेका थिए । आजबाट आन्दोलन परिमार्जन गरिएको हो ।