धनकुटा, ८ माघ । धनकुटामा स्थानीय प्रशासनले जारी गरेको निषेधाज्ञा १६ घण्टाका लागि खुलेको छ । आज अपरान्ह ३ बजेबाट बिहान ७ बजेसम्मका लागि निषेधाज्ञा खुल्ला गरिएको हो ।
आन्दोलन हिंसात्मक बनेपछि गत बिहीबारबाट धनकुटामा निषेधाज्ञा जारी गरिएको थियो । पाँच दिनसम्मको निषेधाज्ञाले सर्वसाधरणको दैनिकी कष्टकर भएकाले सर्वसाधरणको हितलाई ध्यानमा राखेर १६ घण्टाका लागि निषेधाज्ञा खोलिएको प्रमुख जिल्ला अधिकारी प्रेम प्रकाश उप्रेतिले संगालोखबरलाई जानकारी दिएका छन् ।
निषेधाज्ञाको अवधिमा पाँच जना भन्दा बढी मानिस समुहमा हिड्न र प्रदर्शन गर्न नपाईने प्रावधान छ । सर्वसाधरण सहज रुपमा हिडडुल गर्न नपाउँदा जनजीवन कष्टकर बनेको थियो ।