धनकुटा, ८ पुस । प्रमुख कानुन र आचारसंहिता विषयक पत्रकार आवद्धता तालिम शनिवारदेखि धनकुटामा शुरु भएको छ । नेपाल पत्रकार महासघ धनकुटाको संयोजनमा सुचना विभागले तालिम आयोजना गरेको हो ।
तालिम उद्घाटन गर्दै धनकुटा नगरपालिकाका प्रमुख चिन्तन तामाङ्गले आम नागरिकका सरोकारका विषयलाई बाहिर ल्याउन पत्रकारहरुको मूमिका महत्वपुर्ण हुने वताए । उनले समाचार सम्प्रेषण गर्दा त्यसले पार्ने प्रभावको वारेमासमेत ध्यान दिन आवश्यक रहेकोमा जोड दिए ।
Advertisement
नेपालमा प्रेस सम्वन्धि वनेका कानुनको वारेमा पत्रकारहरुलाई जानकारी गराउने उद्देश्यले आयोजित तीन दिने तालिममा धनकुटामा क्रियासिल करिव ३ दर्जन पत्रकारहरु सहभागि छन् ।
नेपाल पत्रकार महासघंका पुर्व अध्यक्ष डाः सुरेश आचार्य र प्रशिक्षक विजयप्रसाद मिश्रले तालिमको सहजिकरण गर्दैछन् ।
प्रेस सम्वन्धि वनेका कानुनहरु छापाखाना र प्रकाशन सम्वन्धि ऐन, नागरिक अधिकार ऐन, राष्ट्रिय प्रसारण ऐन तथा नियमावली, गाली र वेईज्जति ऐन, नेपालमा पत्रकारिताको विकास क्रम लगायतको वारेमा पहिलो दिन छलफल गरिएको छ ।
यसैगरि संविधानमा व्यवस्था भएको सञ्चारको हक, सुचनाको हक, गोपनियताको हक अन्र्तगत व्यवस्था भएका कुराहरुको वारेमा पनि तालिममा सहभागिहरुलाई जानकारी गराईएको छ ।
