धनकुटा, २७ मंसिर । साँगुरीगढी गाउँपालिका–५ डाँडाबजारको भानु माध्यमिक बिद्यालयलाई एक दाताले विश्रामालय हस्तान्तरण गरेका छन् । स्थानीय वुद्धिनाथ कटुवालले आफ्ना स्वर्गिय पिता रत्नबहादुरको नाममा विश्रामालय निमार्ण गरि बिद्यालयलाई हस्तान्तरण गरेका हुन् ।
१ लाख ७५ हजारको लागतमा निर्माण गरिएको बिश्रामालय बिद्यालयको ६४ औ बर्षिकोत्सवको अवसर पारेर हस्तान्तरण गरिएको स्थानीय धुव्र गाउलेले जानकारी दिएका छन् ।
Advertisement
बार्षिकोत्सवमा पुरस्कार र रक्तदान
भानु माविले तीन दिनसम्म बिभिन्न कार्यक्रम गरेर विद्यालयको ६४ औ बार्षिकोत्सव मनाएको छ । बार्षिकोत्सवको अवसरमा पुरस्कार वितरण र रक्तदान गरिएको विद्यालयका प्रद्यानाध्यापक यज्ञवहादुर लिम्बुले वताएका छन् । विद्यालयको अक्षयकोषवाट विद्यार्थीलाई नगद तथा प्रमाणपत्रसहित पुस्कृत गरिएको हो ।
त्यस्तै उत्कृष्ठ अंक ल्याउँने विषयगत शिक्षक र उत्कृष्ठ कर्मचारीलाई पनि पुरस्कृत गरिएको छ । बार्षिकोत्सवकै अवसरमा भानु मावि र रेडक्रस सोसाईटी उपशाखाको संयुक्त आयोजनामा भएको रक्तदान कार्यक्रममा ३३ जनाले रगतदान गरेको बिद्यालयले जनाएको छ ।
