धनकुटा, २१ मंसिर । प्रतिनिधि र प्रदेश सभा निर्वाचनको मतदान सम्पन्न भएपश्चात बिहिबार साँझबाट धनकुटामा मतपेटिका संकलनको क्रम चलिरहेको छ ।
राति करिव १० बजेसम्ममा धनकुटा नगरपालिका, पाख्रीवास नगरपालिका र छथर जोरपाटी गाउँपालिकाको मतपेटिका संकलन भईसकेको छ । ३५ भन्दा बढी मतदान केन्द्रको मतपेटिका संकलन भएको हो ।
Advertisement
दुर्गम क्षेत्रका मतपेटिका मध्य रातिसम्ममा सदरमुकाम ल्याइसकिने अनुमान रहेको मुख्य निर्वाचन अधिकृत विनोदकुमार पोखरेलले जानकारी दिएका छन । कडा सुरक्षाकाबीच मतपेटिका सदरमुकाम ल्याईदैछ ।
सुक्रवार बिहान सर्वदलिय बैठक बसेर मतगणना कार्य सुरु गरिने जनाईएको छ । जिल्लामा १५३ मतदान केन्द्र छन् । सदरमुकामस्थित सामुदायिक भवनमा मतगणना हुने छ ।
