धनकुटा, १७ मंसिर । आगामी बिहिवार हुँने प्रतिनिधि र प्रदेशसभा निर्वाचनका लागी धनकुटाका सवै मतदान केन्द्रमा भोलीसम्ममा मतदान अधिकृतसहित कर्मचारी पुग्ने भएका छन् । जिल्लाका १ सय १७ मतदान स्थलमा रहेका १ सय ५३ मतदान केन्द्रमा निर्वाचनका लागि आवश्यक सामग्रीसहित कर्मचारी पुग्ने जिल्ला निर्वाचन कार्यालयले जनाएको छ ।
आज सवै मतदान अधिकृतलाई निर्वाचन सामग्री बुझाईएको र भोली सवै मतदान केन्द्रमा कर्मचारी पुग्ने जिल्ला निर्वाचन कार्यालयका नायव सुव्वा एवं सूचना अधिकारी केशव पौडेलले संगालोखबरलाई जानकारी दिएका छन् । आज मतदान अधिकृतले मतदाता परिचयपत्रसहित निर्वाचन सामग्री वुझेका हुन् ।
Advertisement
स्थानीय तहको निर्वाचन पछि जिल्ला निर्वाचन कार्यालयले सञ्चालन गरेको फोटोसहितको मतदाता नामावलीमा नाम दर्ता गराएका र छुटेकाहरुलाई आगामी मंगलबार र बुधबार मतदाता परिचयपत्र वितरण गरिने सुचना अधिकारी पौडेलले बताएका छन् ।
उनका अनुसार मतदान अधिकृत र सहायक मतदान अधिकृतलाई यस अघि दुई दिने मतदान तथा मतगणना सम्बन्धी प्रशिक्षण दिईसकिएको छ । धनकुटामा ५३ हजार २ सय ५४ महिला र ५१ हजार ९ सय ३४ पुरुष गरी कुल १ लाख ५ हजार १ सय ८८ मतदाता रहेको जिल्ला निर्वाचन कार्यालयले जनाएको छ ।
