ओखलढुंगा, १५ मंसिर । ओखलढुंगामा नेत्रविक्रम चन्द बिप्लव नेतृत्वको नेकपा माओवादीका जिल्ला युवा संयोजक पक्राउ परेका छन् ।
Advertisement
सुनकोशी गाउँपालिका ५ मुखलखर्क निवासी किरण भनिने हर्क बाहादुर तामाङलाई प्रहरीले बिहीबार पक्राउ गरेको हो ।
निर्वाचनको माहोलमा निर्वाचन बिरोधी गतिबिधि गर्न सक्ने भन्दै उनलाई पक्राउ गरिएको ओखलढुंगा प्रहरी प्रमुख डिएसपी अर्जुन तिमिल्सिनाले बताए ।
तामाङलाई सुनकोशी गाउँपालिका ९ कोसहाटबाट पक्राउ गरिएको प्रहरी प्रमुख तिमिल्सिनाले बताए । पक्राउपछि उनलाई बिहिबार राति नै सरमुकामस्थित जिल्ला प्रहरी कार्यलयमा ल्याईएको छ । उनलाई प्रहरी हिरासतमा म्याद थप गरि राखिएको र अनुसन्धान भैरहेको प्रहरीले जनाएको छ ।
