धनकुटा, ६ मंसिर । धनकुटामा आज साँझ आगलागीबाट एउटा घर जलेर नष्ट भएको छ । धनकुटा–७ मितेरी टोलका किरण तुम्सा लिम्बुको घरमा खाना पकाउँने क्रममा ग्यास लिक भएर आगलागी भएको प्रहरीले जनाएको छ ।
घर जलेर नष्ट हुँदा करिव ६ लाख बरावरको क्षति भएको धनकुटाका प्रहरी प्रमुख सुदिप राजभण्डारीले संगालोखबरलाई बताएका छन । आगलागीबाट लत्ताकपडा, अन्न लगायत घर भित्र भएका सम्पूर्ण सामाग्री जलेर नष्ट भएका छन ।
Advertisement
साँझ करिव साँढे ५ बजेबाट आगलागी सुरु भएको थियो । नेपाल प्रहरी, शसस्त्र प्रहरी र स्थानीयबासीले करिव एक घण्टा पछि आगो नियन्त्रणमा लिएका हुन ।
आगो नियन्त्रणका लागि धनकुटा नगरपालिकाको दमकल गएको भएपनि साँगुरो सडकका कारण घटनास्थलमा पुग्न नसक्दा त्यसै फर्किएको छ ।
