सिधुवा, २६ कात्तिक । धनकुटाको छथर जोरपाटी गाउँपालिका–६ सिधुवा बजार नजिक आज दिउँसो ट्याक्टर दुर्घटना हुँदा छ जना घाईते भएका छन । मझुवाबाट सिधुवा बजार नजिक बसाईसराईको सामान लिएर आउँदै गरेको को.२ त.२८४३ नम्बरको ट्याक्टर दिउँसो करिव साँढे तीन बजे पल्टिएको हो ।
दुर्घटनामा परी छथर जोरपाटी–६ की ३५ बर्षीया रणमाया तामाङ, १८ बर्षीया पुस्तीका तामाङ, २४ बर्षीया मञ्जु तामाङ, ३५ बर्षीया सुनिता तामाङ, ७ बर्षीय सुसिल तामाङ र २ बर्षीया मनिसा तामाङ घाईते भएको धनकुटाका ट्राफिक प्रहरी दिपक खड्काले संगालोखबरलाई जानकारी दिएका छन ।
Advertisement
घाईतेहरुलाई उपचारका लागि धरान स्थित वीपी कोईराला स्वास्थ्य बिज्ञान प्रतिष्ठान लगिएको छ । मझुवाबाट सिधुवा बजार नजिक बसाईसराईको सामान लिएर आउँदै गर्दा अनियन्त्रित भएर ट्याक्टर पल्टिएको हो ।
ट्याक्टर सडकबाट करिव २० मिटर तल चौरमा पुगेको छ । ट्याक्टर चालकलाई सिधुवा प्रहरीले नियन्त्रणमा लिएको छ ।
ट्याक्टर दुर्घटनाका तस्वीरहरु हेर्नुहोस्…
तस्वीरहरु : नबनित खड्का/संगालोखबर
