धनकुटा, १ कात्तिक । धनकुटाको श्रीपञ्चमी पार्कमा रहेको बाल पुर्नस्थापना सेवा केन्द्रका अनाथ बालबालिकाहरुलाई बुधबार शैक्षिक सामाग्री प्रदान गरिएको छ ।
धनकुटा–७ डाँडागाउँ घर भई हाल अस्ट्रेलियामा बस्दै आएका पदम कुमार र राजकुमारी चेम्जोङले नातिनी लिल्यू चेम्जोङको पहिलो जन्मदिनको अवसर पारेर बालबालिकालाई शैक्षिक सामाग्री उपलब्ध गराएका हुन ।
Advertisement
उनीहरुले अस्ट्रेलियाबाट रकम उपलब्ध गराएपछि स्थानीय सरोज भुजेलले शैक्षिक सामाग्री खरिद गरी बालबालिकालाई हस्तान्तरण गरेका थिए । श्रीपञ्चमी पार्कमा रहेका ६ बालक र ७ बालिकालाई कपी, कलम, पेन्सिल लगायत शैक्षिक सामाग्री उपलब्ध गराईएको हो ।
जन्मदिनकै अवसर पारेर बाल पुर्नस्थापना सेवा केन्द्रको अक्षय कोष निर्माणका लागि चेम्जोङ परिवारले १ हजार १० रुपैया नगदसमेत उपलब्ध गराएका छन ।
