संगालोखबर 
धनकुटा । धनकुटामा सडेको अवस्थामा पुरुषको शव फेला परेको छ । सहिदभूमि गाउँपालिका-१ कर्कलेस्थित कालसिंह जंगलमा करिब ५५ वर्ष उमेरको पुरुषको शव फेला परेको हो ।
शनिबार फेला परेको शव पोष्टमार्टमका लागि जिल्ला अस्पताल धनकुटामा राखिएको छ । शव सडेको अवस्थामा भएकाले चिन्न सक्ने अवस्था नरहेको प्रहरीले जनाएको छ ।
Advertisement
‘शव हेर्दा तराईमूलको जस्तो देखिन्छ’, इन्स्पेक्टर किशोर तामाङले संगालोखबरसँग भने, ‘मानिस हराएको भनेर निवेदन आएको ठाउँमा पनि सोधिखोजी गर्दा यताको नभएको पाइएको छ ।’
घटनाका सम्बन्धमा अनुसन्धान भइरहेको उनको भनाइ छ । पोष्टमार्टम रिपोर्ट आएपछि थप कुरा खुल्ने प्रहरीले जनाएको छ ।
