संगालोखबर 
विराटनगर । जेनजी आन्दोलनका क्रममा काठमाडौंको नख्खु कारागारबाट भागेका कैदी विराटनगरबाट पक्राउ परेका छन् । पक्राउ पर्नेमा भारत घर भएका ५५ वर्षीय निपुन गुप्ता छन् ।
उनलाई आज विराटनगर-७ बाट लुकिछिपी बसिरहेको अवस्थामा पक्राउ गरिएको मोरङ प्रहरीका डीएसपी हरिनन्दन चौधरीले जानकारी दिए । अपहरण तथा शरिर बन्धक मुद्दामा कैद सजाय भुक्तान गरिरहेका गुप्ता गत भदौ २४ गते भागेका थिए ।
Advertisement
विशेष सूचनाका आधारमा खटिएको प्रहरी टोलीले गुप्तालाई पक्राउ गरेको हो । उनलाई जिल्ला प्रहरी कार्यालय मोरङले मोरङ कारागार पठाएको छ ।
