
विराटनगर । विराटनगर-१७ स्थित मटेरुवाबाट स्रोत नखुलेको अवैध रमकसहित एक जना पक्राउ परेका छन् । पक्राउ पर्नेमा विराटनगर-१८ का रवि साह छन् ।
उनलाई कोशी प्रदेश प्रहरी कार्यालयको प्रादेशिक अनुसन्धान समूहबाट खटिएको प्रहरी टोलीले चेकजाँचका क्रममा ६ लाख ४९ हजार पाँच सय नेपाली रुपैँयासहित पक्राउ गरेको हो ।
प्रहरीका अनुसार उनी भारतबाट को २४ प ७९८४ नम्बरको मोटरसाइकल नेपालतर्फ आउँदै थिए । उनलाई इलाका प्रहरी कार्यालय रानीमा राखेर थप अनुसन्धान अघि बढाइएको छ ।

संगालोखबर 













