कोइराला निवास अवलोकनपछि सुनिल शर्माले भने– ऐतिहासिक धरोहरमाथि हमला भयो

विराटनगर । नेपाली काँग्रेसका युवा नेता डा. सुनिल शर्माले विराटनगरस्थित ऐतिहासिक कोइराला निवासको अवलोकन गरेका छन् ।

जेनजी आन्दोलनमा ध्वस्त भएको कोइराला निवास अवलोकनपछि उनले लोकतन्त्रको जन्म यात्रासँग प्रत्यक्ष जोडिएको ऐतिहासिक धरोहरमाथिको आक्रमणलाई अत्यन्तै दुर्भाग्यपूर्ण र अमानवीय घटना भएको बताए ।

‘कोइराला निवास केवल एउटा घरको संरचना मात्र होइन । राणाशासनविरुद्धको विद्रोह सँगालिएको, बीपी कोइराला, गिरिजाप्रसाद कोइराला लगायतका अग्रजहरूले लोकतान्त्रिक परिवर्तनको मार्गचित्र तयार पारेको पवित्र ऐतिहासिक स्थल हो’, उनले भने ।

यस्तो धरोहरमाथि गरिएको प्रहारले इतिहासमाथि मात्र नभएर राष्ट्रको लोकतान्त्रिक आत्मामाथि समेत आघात पुर्याएको उनको भनाइ छ ।