धनकुटा, २२ असोज । धनकुटाका एक जना कराते खेलाडी आठौं अन्तर्राष्ट्रिय कराते प्रतियोगितामा सहभागि हुँने भएका छन । भारतको जयपुरमा यहि असोज २५ देखि २८ गतेसम्म हुँने प्रतियोगितामा धनकुटा नगरपालिका–४ देव्रेवासका कराते खेलाडी सक्ती राई सहभागि हुँने भएका हुन ।
प्रतियोगितामा सहभागि हुँन भारत जाँन लागेका खेलाडी राईलाई जिल्ला खेलकुद विकास समितिले आईतबार विदाई गरेको छ ।
Advertisement
कार्यक्रममा जिल्ला खेलकुद विकास समितिका कार्यालय प्रमुख नविन प्रधान, कोषाध्यक्ष मनोज राई, प्रशिक्षक डिपलव राई लगायतले खेलाडी राईलाई विदाई गर्दै खेल सफलताको शुभकामना दिएका हुन ।
४२ केजी समुहको उक्त प्रतियोगितामा नेपालबाट राईसँगै टिम कोच, ब्यावस्थापसहित १५ जनाको टोली आईतबार वेलुकै त्यसतर्फ प्रस्तान गरेको छ । नेपाली टोलीमा धनकुटासँगै पूर्वको झापा, सुनसरी, ईलाम लगायत जिल्लाका खेलाडीहरु पनि सहभागि छन ।
प्रतियोगितामा नेपालसँगै भारत, वंगलादेश, भुटान, श्रीलंका लगायत देशका खेलाडी पनि सहभागि हुँने बताईएको छ । धनकुटाका खेलाडीले अन्तर्राष्ट्रिय कराते प्रतियोगितामा तेस्रो पटक सहभागिता जनाउँन लागेको प्रशिक्षक डिपलव राईले जानकारी दिएका छन ।
