छथर जोरपाटीमा भलिबल प्रतियोगिताको तयारी पुरा, मौलो मेला र नृत्य प्रतियोगिता पनि हुँने

धनकुटा, १० असोज । धनकुटाको छथर जोरपाटी गाउँपालिकामा बुधबारदेखि हुँने खुल्ला भलिवल प्रतियोगिताको तयारी पुरा भएको छ ।दशैको अवसर पारेर छथर जोरपाटी गाउँपालिका–३ पिङडाँडामा आयोजना गरिएको प्रतियोगिताको सम्पुर्ण तयारी पुरा भएको आयोजक शुभ–प्रभात यूथ क्लवले जनाएको छ ।

तीन दिनसम्म सञ्चालन हुँने प्रतियोगितामा ११ टिमवीच खेल हुँने आयोजक शुभ–प्रभात यूथ क्लवका सचिव बिजय लिम्बुले संगालोखबरलाई जानकारी दिए ।

Advertisement

उनका अनुसार प्रतियोगिताको बिजेता टिमले नगद २० हजारसहित ट्रफि, मेडल र प्रमाणपत्र र द्धतिय हुँनेले १० हजारसहित ट्रफि, मेडल र प्रमाणपत्र पाउँनेछ ।

मौलो मेला र नृत्य प्रतियोगिता

दशैको अवसरमा छथर जोरपाटी गाउँपालिका–३ पिङडाँडामा आगामी शुक्रवार मौलो मेला तथा निशान यात्रा र नृत्य प्रतियोगिता पनि हुँने भएको छ ।

हरेक बर्षझै यो बर्षपनि मन्दिरबाट निसान निकालेर मौलोडाँडा परिक्रमा गराई मन्दिरमा समापन गरिनेछ ।

नवमीको दिन मेलासँगै नृत्य प्रतियोगिता र भलिवल प्रतियोगिताको पनि फाईनल खेल हुँने शुभ–प्रभात यूथ क्लवका सचिव बिजय लिम्बुले जानकारी दिएका छन ।