विराटनगर । मोरङको पथरी शनिश्चरे नगरपालिका-१ मौलाबारी स्थित बक्राहा खोलाको किनारमा युवा-युवती झुण्डिएको अवस्थामा फेला परेका छन् । इलाका प्रहरी कार्यालय पथरीका अनुसार आज बिहान उनीहरू झुण्डिएको अवस्थामा मृत फेला परेका हुन् ।
विवाहित रहेका उनीहरू एउटै रूखको हाँगामा झुण्डिएका छन् । पथरीशनिश्चरे-५ का २४ वर्षीय अजय टुडू र मोरङको कटहरी गाउँपालिका-६ माइती भएकी २२ वर्षीया जुबामुनी हस्दा झुण्डिएको अवस्थामा मृत फेला परेका पथरीका डीएसपी मोहनविक्रम दाहालले जानकारी दिए ।
Advertisement
स्थानीयले उनीहरू झुण्डिएको अवस्थामा देखेपछि बिहान करिब १०ः३० बजेतिर प्रहरीलाई खबर गरेका थिए । जानकारी पाउनासाथ घटनास्थलमा पुगेको प्रहरी टोलीले अनुसन्धान सुरु गरेको छ ।
