संगालोखबर 
विराटनगर । मोरङमा एकै परिवारका ३० जनाले बाबुको काजकिरिया गरेका छन् । बुढीगंगा गाउँपालिका-४ का ८८ वर्षीय शारदाप्रसाद भट्टराईको निधन भएपछि छोरा, छोरी र बुहारीसहित ३० जनाले काजकिरिया गरेका हुन् ।
भट्टराईका तीन जना श्रीमती छन् । उनीहरूबाट १० छोरा र आठ छोरीको जन्म भयो । जसमध्ये एक छोरीको भने निधन भइसकेको छ । बुढीगंगा-४ नेमुवास्थित छोरा गोविन्द भट्टराईको घरमा बाबुको काजकिरिया गरिएको हो ।
Advertisement
स्वर्गीय भट्टराईका ३० जना नातिनातिना र सात जना पनाति पनातिना छन् । वि.स. १९९३ मंसिर १९ गते संखुवासभा मादीमा जन्मेका स्वर्गीय भट्टराईले १९ वर्षको उमेरमा पहिलो विवाह गरेका थिए ।
त्यसको तीन वर्षपछि २०१५ सालमा दोस्रो बिहे गरे । २०२२ सालमा झापा बसाइ सरेका उनले २०३४ सालमा ४१ वर्षको उमेरमा तेस्रो विवाह गरेका थिए । २०४६ सालयता भने उनी बुढीगंगा गाउँपालिकामा बस्दै आएका थिए । भट्टराईको माघ २ गते निधन भएको हो ।
