खराब मौसमका कारण विराटनगर विमानस्थलको उडान प्रभावित

विराटनगर । खराब मौसमका कारण विराटनगर विमानस्थलको उडान प्रभावित भएको छ । विमानस्थलका अनुसार भिजिबिलिटी कम हुँदा उडान प्रभावित भएको हो ।

विराटनगरमा बिहानैदेखि हुस्सु लागेको छ । मौसममा सुधार आएसँगै नियमित उडान सुचारु हुने विमानस्थलले जनाएको छ । विराटनगर विमानस्थलका सूचना अधिकारी युवराज भण्डारीका अनुसार बिहानै देखि उडान प्रभावित भएको हो ।

Advertisement

आज बिहान ११ बजे यति एयरलाइन्सको विमान काठमाडौं उडेको र त्यसबाहेक कुनै उडान तथा अवतरण नभएको उनले संगालोखबरलाई जानकारी दिए । यस्तै खराब मौसमका कारण जनकपुर र राजविराजको उडान पनि प्रभावित भएको जनाइएको छ ।