लेगुवामा मोटरसाइकलको ठक्करबाट पैदलयात्री घाइते

धनकुटा । धनकुटाको महालक्ष्मी नगरपालिका-५ लेगुवास्थित शिवरात्रिमा मोटरसाइकलको ठक्करबाट एक जना घाइते भएका छन् । शिवरात्रिबाट लेगुवा आउँदै गरेको बा ५४ प ७५९० नम्बरको मोटरसाइकलले आज बिहान ११ः४५ बजे स्थानीय माझी गाउँका ४३ वर्षीय पदम राईलाई ठक्कर दिएको हो ।

बाटो पार गर्ने क्रममा राईलाई मोटरसाइकलले ठक्कर दिएको हो । ठक्करबाट राईको टाउकोमा गहिरो चोट लागेको छ । उनको अवस्था गम्भीर छ । उनलाई उपचारका लागि धरानस्थित बीपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ ।

Advertisement

घटनापछि मोटरसाइकल र चालक स्थानीय २४ वर्षीय नविन सुवेदीलाई लेगुवा प्रहरीले नियन्त्रणमा लिएको छ ।