संगालोखबर 
धनकुटा । धनकुटाको चौबिसे गाउँपालिकामा खुला पुरुष तथा महिला छैटौँ रनिङ चौबिसे कप फुटबल प्रतियोगिता हुने भएको छ । आज आयोजक चौबिसे गाउँपालिकाले पत्रकार सम्मेलनको आयोजना गरेर प्रतियोगिताको बारेमा जानकारी दिएको हो ।
चौबिसे गाउँपालिका-२, मुढेबास स्थित त्रिवेणी खेल मैदानमा आगामी माघ १ देखि ४ गतेसम्म प्रतियोगिता सञ्चालन हुनेछ । प्रतियोगितामा चौबिसे गाउँपालिका भित्रका पुरुष र महिलाको ८/८ टिमको सहभागी हुनेछन् ।
Advertisement
पुरुषतर्फ प्रतियोगिताको विजेताले ६५ हजार र उपविजेताले ३५ हजार नगदसहित ट्रफ्री र मेडल प्राप्त गर्ने छन् । यस्तै महिलातर्फ विजेताले ५० हजार र उपविजेताले ३५ हजार नगदसहित ट्रफी र मेडल पाउने छन् ।
गाउँपालिका खेलकुद विकास समिति संयोजक तथा वडा नम्बर ८ का वडाध्यक्ष धनबहादुर लिम्बुले प्रतियोगिताको तयारी अन्तिम चरणमा पुगेको जानकारी दिए ।
