विराटनगरबाट औषधीसहित दुई जना पक्राउ

विराटनगर । विराटनगर-१० संसारी माइस्थानबाट औषधीसहित प्रहरीले दुई जनालाई पक्राउ गरेको छ । जोगबनीबाट आएको बीआर ३८ ए एल ४६३९ नम्बरको मोटरसाइकल चेकजाँच गर्ने क्रममा बिल बिनाको औषधी फेला पारेपछि प्रहरीले उनीहरूलाई पक्राउ गरेको हो ।

विराटनगर-१४ का किसन चौधरी र भारतको अररिया जिल्लाका २२ वर्षीय प्रविन कुमार सहानेलाई पक्राउ गरिएको जिल्ला प्रहरी कार्यालय मोरङका प्रवक्ता डीएसपी वेद प्रकाश जोशीले जानकारी दिए ।

उनीहरूको साथबाट विभिन्न प्रकारका करिब दुई लाख १८ हजार मूल्य बराबरको औषधी बरामद गरिएको जोशीले जनाएका छन् । उनीहरूलाई आवश्यक कारबाहीका लागि औषधी व्यवस्था विभाग विराटनगरमा बुझाइएको छ ।