उत्कृष्ट अङ्क ल्याउने पाँच विद्यार्थी सम्मानित

रंगेली । मोरङको रंगेली नगरपालिका-७ स्थित सद्भाव बचत तथा ऋण सहकारी संस्थाले उत्कृष्ट अङ्क ल्याउने विद्यार्थीलाई सम्मान गरेको छ ।

१५ औं वार्षिकोत्सवको अवसरमा रंगेलीका सामुदायिक तथा निजी विद्यालयबाट २०८० को एसइईमा उत्कृष्ट नतिजा ल्याउने विद्यार्थीलाई संस्थाले सम्मान गरेको हो ।

त्रिभुवन माध्यमिक विद्यालय गोहीगाडामा अध्ययनरत समीक्षा खवास, महालक्ष्मी माध्यमिक विद्यालयका अक्षय उराउ, प्रगतिशील माध्यमिक विद्यालय की अस्मिता राजवंशी, आदर्श माध्यमिक विद्यालय की अञ्जली कुमारी मण्डल र मिनिल्याण्ड बोर्डिङ स्कुलका लीलाकान्त झालाई सम्मान गरिएको संस्थाले जनाएको छ ।

उनीहरूलाई रंगेली नगरपालिकाका प्रमुख दिलिपकुमार अग्रवाललगायतले पाँच सय पाँच रुपैयाँसहित सम्मान गरेका थिए ।