प्याब्सन मोरङको अध्यक्षमा बस्नेत निर्वाचित

विराटनगर । निजी तथा आवासीय विद्यालय अर्गनाइजेशन नेपाल ( प्याब्सन ) मोरङको अध्यक्षमा जगतबहादुर बस्नेत निर्वाचित भएका छन् । विराटनगरमा शनिवार बिहान सम्पन्न प्याब्सनको १६ औं जिल्ला अधिवेशनबाट बेलबारीका बस्नेत ११० मतसहित अध्यक्षमा निर्वाचित भएका हुन् ।

निकटतम प्रतिद्वन्द्वी उर्लावारीका सुरेन्द्र सुवेदी १७ मतान्तरले पराजित भएका छन् । सुवेदीले ९३ मत ल्याएका छन् । बरिष्ठ उपाध्यक्षमा १०६ मतसहित मोहन बुढाथोकी, उपाध्यक्षमा १०४ मतसहित विष्णु डंगोल र सचिवमा १०६ मतसहित देवी सिटौला निर्वाचित भएका छन् । कोषाध्यक्षमा मणिराज भट्टराई र नगेन्द्रप्रसाद ढकालबीच १०१ मतको बराबरी भएपछि गोलाप्रथा गरिएको छ ।

गोलाप्रथाबाट कोषाध्यक्षमा भट्टराई विजयी भएका छन् । सह-सचिवमा १०९ मतसहित दिपेन्द्र राई र सह-कोषाध्यक्षमा १२२ मतसहित केदार पौडेल निर्वाचित भएका छन् । २१० सदस्य आवद्ध रहेको प्याब्सनको निर्वाचनमा २०६ जनाले मतदान गरेका थिए ।