संगालोखबर 
विराटनगर । विराटनगरको हाटखोलामा शनिवार साँगीतिक कार्यक्रम हुने भएको छ । अग्रेजी नयाँ वर्ष २०२५ को अवसर पारेर मन्जिना मुभिज क्रिएशन र भाइरल ईभेन्टले कार्यक्रम गर्न लागेका हुन् ।
Advertisement
साँगीतिक कार्यक्रममा युवा पुस्तामा चर्चित कुमा सागर एण्ड द ख्वाप ब्याण्डको साँगीतिक प्रस्तुती रहनेछ । कुमा सागरको लोक भाकाका गीत तथा भजनहरूसँगै ‘हावाको लहरसँगै, ओ चम्पा, जाने भए जाउ’ लगायत गीतहरू चर्चित छन् ।
नेवार संस्कृतिको थलो भक्तपुरमा हुर्केका कुुमको मौलिक नेवारी लवजका कारण पनि धेरैले उनको स्वर रुचाउने गरेका छन् । उनको ब्याण्डले पहिलो पटक विराटनगरमा साँगीतिक प्रस्तुती दिन लागेको हो । साँगीतिक कार्यक्रममा शब्दजाल र शुभम न्यौपाने टिमको पनि प्रस्तुती रहनेछ ।
हाटखोलास्थित खेल मैदानमा हुन लागेको कार्यक्रम अपरान्ह ४ बजेबाट सुरु हुने आयोजक मन्जिना मुभिज क्रिएशनका सञ्चालक जतिन ताम्रकारले जानकारी दिए ।
