नोवेल अस्पतालको पार्किङबाट मोटरसाइकल चोरी गरेको आरोपमा दुई जना पक्राउ

विराटनगर । मोटरसाइकल चोरीको आरोपमा विराटनगरबाट दुई जना पक्राउ परेका छन् । विराटनगर-४ नोवेल अस्पतालमा पार्किङ गरेर राखिएको मोटरसाइकल लक फुटाएर चोरी गर्दै गरेको अवस्थामा प्रहरीले उनीहरूलाई पक्राउ गरेको हो ।

विराटनगर-३ का १८ वर्षीय निकपाल यादव र १८ वर्षीय जितेन्द्र यादवलाई पक्राउ गरिएको प्रहरीले जनाएको छ । बिहीबार राति ८ बजे को २३ प ६१७६ र प्रदेश १-०२-०४४ प १९ नम्बरको मोटरसाइकल चोरी गर्दै गरेको अवस्थामा उनीहरूलाई पक्राउ गरिएको हो ।

Advertisement

उनीहरूका सम्बन्धमा जिल्ला प्रहरी कार्यालय मोरङबाट थप अनुसन्धान भइरहेको कोशी प्रदेश प्रहरी कार्यालयले जनाएको छ ।