विराटनगर विमानस्थलमा हवाई सेवा सुचारु

विराटनगर । विराटनगर विमानस्थलमा हवाई सेवा सुचारु भएको छ । प्रतिकूल मौसमका कारण बुधबार एउटा मात्रै जहाजले उडान भरेको भएपनि आजबाट भने हवाई सेवा सुरु भएको हो ।

विमानस्थलका सूचना अधिकारी युवराज भण्डारीका अनुसार केहीबेर अगाडि काठमाडौंबाट दुईवटा जहाज विराटनगर आएका छन् । बुधबार दिउँसो १ बजे यती एयरलाइन्सको विमान काठमाडौं गएको थियो । त्यसपछि कुनै पनि उडान भएका थिएनन् ।

Advertisement

केहीबेर अगाडि बुद्ध र यती एयरलाइन्सको विमान विराटनगर विमानस्थलमा अवतरण भएको भण्डारीले संगालोखबरलाई जानकारी दिए ।

विराटनगरबाट यात्रु लिएर विमान काठमाडौं उड्ने तयारी भइरहेको विमानस्थलले जनाएको छ । बाक्लो हुस्सु र कुहिरो लागेसँगै उडान र अवतरण प्रभावित भएको थियो ।