पथरीको सरस्वती विद्यालयका विद्यार्थीलाई न्यानो कपडा

पथरी । मोरङको पथरी शनिश्चरे नगरपालिका-२ स्थित सरस्वती आधारभूत विद्यालयका विद्यार्थीलाई न्यानो कपडा वितरण गरिएको छ । अङ्ग्रेजी नयाँ वर्ष र टोपी दिवसको अवसर पारेर दाताहरूको सहयोगबाट प्राप्त ९४ थान न्यानो कपडा वितरण गरिएको हो ।

सोही वडाका वडाध्यक्ष नैना राईको उपस्थितिमा विद्यार्थीहरूलाई कपडा वितरण गरिएको हो । रविन दाहालले विद्यार्थीहरूलाई कपडा सहयोग गरेकोमा वडाध्यक्ष राईले धन्यवाद दिए । सामुदायिक विद्यालयका विद्यार्थीलाई यस खालको सहयोगले पढाइप्रति थप टेवा पुग्ने राईले विश्वास व्यक्त गरे ।

सोही विद्यालयबाट औपचारिक शिक्षाको सुरुवात गरेर हाल अमेरिकामा रहेका दाहाल, नेपालमै रहेका पङ्कज बुढाथोकी, सरू विश्वकर्मा, विद्यालय व्यवस्थापन समितिका अध्यक्ष अध्यक्ष खगेन्द्र थापा र प्रधानाध्यापक अम्बिकादेवी गौतमको सहयोगमा न्यानो कपडा उपलब्ध भएको हो ।